D Odysee vom ene Fasnachtshelge

S Piccolobääseli verzellt – Dail 13
Wo der Boppi [Robert] Dambuurmaioor vo de Dalbaneese woorden isch, het er kai Aanig ghaa, wien er zem Goschdyym und vor alle Dinge zem Kopf kunnt. Sy Voorgänger het fir s Goschdyym e bsunders begobti Naaiere ghaa und der Kopf het er als ime renomierte Laarven-Atelier lo gaschieren und lo moole. Dääwääg isch d Glyygekasse nadyyrlig zimpf­tig gschoont woorde. Wenn der Boppi jetz aber die Aarbede hätt miesen usswäärts gää, derno wär daas e dyyri Sach woorde. mehr…

E draumhaft Schyssdräggziigli

S Piccolobääseli verzellt – Dail 12
Scho als Binggis isch der Lux [Lukas] an der Hand vo sym Bappen em Pfyfferscheff vo de Dalbaneese voorgstellt woorde. Er het derno all daas erläbt, wo men als Glyggebrueder beschtens kennt. Eppis aber isch bym Lux anders gsii: Joor fir Joor – me hät der Wegger kenne dernoo stelle – het er eppe zwai Wuche vor der Fasnacht s glyych erläbt: Er het ufaimool nimme kenne schlugge, e zindrooti Biiren und fiebrigi Auge bikoo. D Mamme het s als glyy gsee und e groosse Haafe mehr…

D Fasnacht isch en «eernschti Sach»

S Piccolobääseli verzellt – Dail 11
Wemme hit der Duuri vo de Dalbaneese frooge wuurd, wenn und wie denn aigedlig sy diggscht Frind vo friener, der Mylle, zur Glygge koo syyg, derno wuurd em d Antwoort nit schwäär falle: «Er isch aifach emool doo gsii, ganz ooni groosses Tamtam. Und mer hänn en alli gäärn ghaa.» Als Binggis isch er mit den Eltere vo Sanggallen uff Basel koo. Und wil s mehr…

S Zyschtigsladäärnli

S Piccolobääseli verzellt – Dail 10
S Prunggstigg vom ene Glyggezuug isch und blybt d Ladäärne. S git kuum en ander «Kunschtwäärgg» uff der Wält, wo mid esoo vyyl Liebi, Witz und Ydee’e gmacht wiird wien e Fasnachtslampe. «Lampe» nämlig sait me däm Gebild us Holz und Lyynwand eebefalls. Und wemme d Zyt miest zaale, won e Kinschtler bruucht, fir das Kunschtwäärgg z gstalte, derno kennt me d Fasnacht glattewägg vergässe. S kennt s niemets zaale.

mehr…

E Maie fir der Dambuurmaioor

S Piccolobääseli verzellt – Dail 9
Wemmen e Glygge-Fasnächtler frooge wuurd, was fir inn s Scheenscht an de «drei scheenschte Dääg» im Joor syyg, derno wuurd er sich woorschyynlig nit lang bsinnen und zuer Antwoort gää: s Gässle! Bym Gässle schwäbt der Bebbi iber de Bsetzistai und iber de Räpplihyffen und isch dur kai Wätter dervoo abzhalte.

Au d Dalbaneesen hänn s Gässlen allewyyl gnosse, vor alle Dingen am Mittwuche zoobe. Noon em Znacht hänn si als nimme lang Sitzlääder ghaa. Der Ladäärnechef het d Lampe baraad gmacht, wo in de brächtigschte Faarben in Nachthimmel uuse gstraalt het. D Glygge het sich formiert und der mehr…